الموضوع: ][*~كـــر الأعتراف ــسي *~][

المشاركة الأصلية كتبت بواسطة mayah عزيزي عضو \ زائر يجب عليك الرد لرؤية الرابط

ها زنووب كيف الحال:d
متى أخر مره تهاوشتين مع أحد وليش ؟؟؟

إذا تضايقتين ويش تسوين؟؟

انا تمام الحمد لله
اخر مرة اتهاوشت اممممم هوشه عدله عدله في نهايه شوال ليش كنت مداومه في غرفه الولاده وكان معاي قروب كلنا 8 ولازم كل وحده تولد 30 حاله خلال شهرين ومادري شنو فيه حطنا الحريم صارو قليل الى يولد في النهار يعني لازم نجلس الى بعد الدوام نولد لنا وحده والا ثنتين المهم على نهايه هالشهرين فيه وحده من البنات الى معاي انا دايما اتحاشى اني اكون معاها لان بكل صراحه ماقدر عليها ماقدر كده ماتحملها وهي بيني وبينكم شغلها مو لهناك ومو شاطرة مرة وفي وقت التوليد مافيه مجال انه اشرح لها شنو تسوي اقوم اسوي كل شي بحالي لان الموقف محرج الصراحه ماحب انتظرها على ما تستوعب الموضوع وتسوي الشغل الى عليها المهم القابله الى معانا مدحتني هي البنت زعلت وجات تقول لى البنات كلهم شايلين عليش ومادري وشوه وكل الكلام الى قالته من عندها وانا مع البنات مابينا شي المهم عصبت عليها حتى اذكر اني صارخت عليها وتهاوشنا عدل مو على كده وبس لان البنت حامله على من قبل لان في رمضان جلست الى بعد الدوام مع مريضتي ويوم خلاص الحرمه بتولد جات هذى البنت بكل سهوله تقول لى زينب تعطيني مريضتش انا كل الى قلته لا بس ماقلت شي زعلت البنت ورسلت لى انتين يازينب مو متعاونه وما ادري ويش انتين لو جيتين وقلتي لى كان عطيتش بس انتين ماتستاهلي الى يتعاون معاش انا زعلت وعصبت رحت لها وقلت لها لو انتي جايه لى قبل لا ينتهي الدوام كان عطيتش بس الحين يوم اتصلت الى اهلي واتصلت الى المسؤله وقلت لهم اني بتاخر وحزة الحزة تجي تقولي بكل سهوله عطيني مريضتش سوري اسمحي لى مابعطيش شنو فيه كلامي ياعالم يزعل وبس هذى اخر هوشه




اذا تضايقت اصيح

زنوووووب شكل جشاوووي العلة ماجاب كرسي
بصراحة حركاتها تنرفز يمكن لو أني مكانش تكافخنا >>البنت ماعنده تفاهم إبد
بس أحس ان شغلش في أكشن ماتخافي ولادة ودم يممممه شكله يخوووف وخصوصا إذا صرخوا
مرة ولد خالي نفس شغلش تقول لينا قصص غريبة عجيبة <<أهدر وااااجد صح
سؤالي تحبي المغامرات و متى آخر مرة غامرتي ؟؟؟؟؟؟؟؟

أووووه...
ميوش
تسلمي ياقلبي
العفووووووو

المشاركة الأصلية كتبت بواسطة صفاء الروح عزيزي عضو \ زائر يجب عليك الرد لرؤية الرابط

تحبي المغامرات و متى آخر مرة غامرتي ؟؟؟؟؟؟؟؟

انا بدون المغامرات ما اعيش اعشق شي اسمه مغامرة طبعا كله حياتي مغامرات اخر مغامرة يوم السبت هالاسبوع

يعني ابغى افهم إني انتي ليش ماتحبي البشاميل والله انه لذيذ
ليش ماتحبي الورق عنب ؟؟

مرحباااااااااااااا
أخباركِ؟؟؟؟
1/ قصي لنا اخر مغامرة <<لغة عربية خخخ
2/ تساعدي أمش في شغل البيت ؟؟؟
3/ أنتِ دلوعة أو لا ؟؟؟؟؟؟؟؟؟؟

سوت روحها سوبر مان هع هع

الكل يحب في كل لحظه وكل ساعه وكل ثانيه سؤالي محدد >>>> بحلووس


طيب كم مره عطوك كف على وجهك؟

كم مره عزمتي اختك وكم مره اهي عزمتك ؟

هاي زنوب أخبارش غناتي ؟

1/ لو عطيناش 1000 ريال شنو بتسوين فيها ؟
2/ لو صرتي رئيسه دولة شنو أول شيء راح تسوينه ؟
3/ كم مرة انطردتي من المحاضرة ؟ ههههه
4/ كم مرة عصبتي اليوم ؟
4/ اذا عصبتي اول شيء تسوينه شنو ؟ ( تصيحي ولااا تكسري ولااا تتهاوشي ولا ايش ؟


ثقلنا عليش غناتي ..
بالتوفيق

السلام عليكم

تو مانور الكرسي زنوب

يلا تفضلي الاسئلة وان شاء الله مانثقل واجد عليك

السؤال الاول يختص بشخصية زنوب

كيف ترى زنوب المجتمع الذي هي منتميه اليه ؟
عندما يلقي على زنوب الشتائم بغير ذب كيف تواجه الشخص الذي يهينكٍ ؟؟

المرأه ..

كيف ترى زنوب دور المرأه في المجتمع ..؟؟
مقولة تقول " لاخير في امة حكمتها إمرأه "
مارأيك بتلك المقوله ؟؟ وهل بالفعل مكانت نائبة وزير التربية والتعليم ( نورة الفايز ) خطأ ..
وحيث هي ستكون مترئسة على كرسي الرئاسة يعني سوف تكون لها يد في اتخاد القرارات
هل ستفشل ام ماذا ..؟؟

مارأيك بــِ سواقة المراة في السعودية ..؟؟

وآخراًوليس اخيراً ..
مارأيك بتلك الاسئلة ..؟؟ هل ستعطيني كف على وجهي تجاه الاسئلة او وردة :d

تحايايا لكِ زنوب ,

,ع ــآزفة الخيال

ايوة إني مع عزوف و وردتنا في الاسئله .. هههههههههههههههههههههههههههه

ياعلي منكم ذبحتوني باسالتكم بقوم اكل بطاطس وبعدين بجاوب عليكم

هههههههههههاااااااي هع هع هع ..

المشاركة الأصلية كتبت بواسطة روحي تحبك عزيزي عضو \ زائر يجب عليك الرد لرؤية الرابط

يعني ابغى افهم إني انتي ليش ماتحبي البشاميل والله انه لذيذ

ليش ماتحبي الورق عنب ؟؟

ما احبهم اه غصب قلت الاكلات عشان اكل هالطبخات الحمد لله على النعمه بس

المشاركة الأصلية كتبت بواسطة صفاء الروح عزيزي عضو \ زائر يجب عليك الرد لرؤية الرابط

مرحباااااااااااااا
أخباركِ؟؟؟؟
1/ قصي لنا اخر مغامرة <<لغة عربية خخخ
2/ تساعدي أمش في شغل البيت ؟؟؟
3/ أنتِ دلوعة أو لا ؟؟؟؟؟؟؟؟؟؟

هلا صفوي غناتي
انا الحمد لله بخير دامك بخير

لالا مغامراتي تبقى سر ماحد يعرف عنها سوري صفوي


ايه اساعد امي عادي اصلا بيتنا مافيه شغل واجد


دلوعه والا لا اممممم والله مادري يمكن دلوعه شوي مو انا الى احكم على حالي الغير الى يحكم على

المشاركة الأصلية كتبت بواسطة جشاوي كول عزيزي عضو \ زائر يجب عليك الرد لرؤية الرابط

طيب كم مره عطوك كف على وجهك؟

كم مره عزمتي اختك وكم مره اهي عزمتك ؟

غصب هو عطوني كف هههههههههه ليش وين عايشه انا هوشه ومهاوش اصلا ما اسوي شطانه عشان استاهل الكف



والله اعزمها واجد واخر مرة الامس بس هي ماعزمتني ولا مرة كله تسوي حالها حافيه منتفه ماعندها ولا فلس ههههههههههه

المشاركة الأصلية كتبت بواسطة الوردة عزيزي عضو \ زائر يجب عليك الرد لرؤية الرابط

هاي زنوب أخبارش غناتي ؟

1/ لو عطيناش 1000 ريال شنو بتسوين فيها ؟
2/ لو صرتي رئيسه دولة شنو أول شيء راح تسوينه ؟
3/ كم مرة انطردتي من المحاضرة ؟ ههههه
4/ كم مرة عصبتي اليوم ؟
4/ اذا عصبتي اول شيء تسوينه شنو ؟ ( تصيحي ولااا تكسري ولااا تتهاوشي ولا ايش ؟


ثقلنا عليش غناتي ..
بالتوفيق

اخباري بعد نص ساعه على mbc
لو عطوني الف ريال شنو اسوي فيها والله اصرفها كنها شربه الماي ولا تكفي بعد

خليني اصير بعدين اسوي خخخخ

كم مرة انطرت مرة وحده بس ويوم كنت في سنه اولى بعد

اليوم ماعصبت ولا مرة

اذا عصبت اول شي اسويه اهاوش واصارخ خخخخ


ثقلكم راحه غناتي

المشاركة الأصلية كتبت بواسطة عازفة الخيال عزيزي عضو \ زائر يجب عليك الرد لرؤية الرابط

كيف ترى زنوب المجتمع الذي هي منتميه اليه ؟
عندما يلقي على زنوب الشتائم بغير ذب كيف تواجه الشخص الذي يهينكٍ ؟؟

المرأه ..

كيف ترى زنوب دور المرأه في المجتمع ..؟؟
مقولة تقول " لاخير في امة حكمتها إمرأه "
مارأيك بتلك المقوله ؟؟ وهل بالفعل مكانت نائبة وزير التربية والتعليم ( نورة الفايز ) خطأ ..
وحيث هي ستكون مترئسة على كرسي الرئاسة يعني سوف تكون لها يد في اتخاد القرارات
هل ستفشل ام ماذا ..؟؟

مارأيك بــِ سواقة المراة في السعودية ..؟؟

وآخراًوليس اخيراً ..
مارأيك بتلك الاسئلة ..؟؟ هل ستعطيني كف على وجهي تجاه الاسئلة او وردة :d

رائي بالمجتمع الى انا فيه امممممم مجتمع اسلامي موالي لاهل البيت سلام الله عليهم مجتمع يطمح الى الرقي والمساهمات بالنشاطات الخيريه مجتمع متجدد بالافكار والبرامج المنشئه للشباب والفتيات يساهم في سد فراغ المراهقين في العطل الصيفيه بس فيه حب الظهور وحب التميز بس الحمد لله يعتبر مجتمع جيد.


كيف ارد على الشتائم بغير ذنب ارمي عليه كلمه قويه يعني اقول له العيب الى فيه والا الشي الغلط الى سواه واترك المكان له واروح<<< شنو هالسؤال ياشيخه هههههههههه


دور المراة في المجتمع امممم المراة كل شي هي الام والاخت والزوجه والحبيبه وكل شي في هالحياة

طبعا معروف انا الرجال قوامون على النساء هذا الكلام مافيه نقاش لان المراه فيها عاطفه وهالعاطفه تاثر في قراراتها

مكانه نورة الفايز مو غلط لان كل انسان وجهوده وكل شخص وله نظرته الخاصه طبعا انها تكون نائبه وزير وليست حاكمه دوله هناك فرق ويمكن الى سوته نورة ماسوه الرجال طبعا كل شخص وسياسته في العمل سواء كانت امراة ام رجل.طبعا نجاحها وفشلها يعتمد على خطتها في العمل

باخذ بريك

يا هلا تو هل النور علينا اتمنى لك اقامه مريحة وسعيده في الكرسي.


سؤال على السريع .


كونك انثى ايهما اهم بالنسبة لش النجاح المهني ام النجاح العاطفي قصدي الاستقرار وان في يوم من الايام خيرتي بين هذين الاثنين ايش بتختارين ؟


وسلامتش .

المشاركة الأصلية كتبت بواسطة عازفة الخيال عزيزي عضو \ زائر يجب عليك الرد لرؤية الرابط

مارأيك بــِ سواقة المراة في السعودية ..؟؟

وآخراًوليس اخيراً ..
مارأيك بتلك الاسئلة ..؟؟ هل ستعطيني كف على وجهي تجاه الاسئلة او وردة :d

طبعا لو صار في البدايه راح تكون صعوبه وشي شاذ في مجتمعنا مثل المكان الى فيه بنات وكلهم لبسين عباه راس بس وحده هي الى لبسه عباه كتف راح تلفت الانتباه والعكس صحيح وبيني وبينش انا ما افضل المراة تسوق اوكيه تتعلم السواقه لو لا سمح الله صار شي والا شي ضروري الا تعرف تتصرف بس انها تسوق بس كده انا مو مع هالفكرة <<< عمركم شفتو اميرة تسوق السيارة حنا البنات اميرات عند اهلنا ليش نحرم نفسنا من هالشي.


لا لابعطيش كف ولا بعطيش ورده اقعدي محلش نشفتي ريقي<<< خخخخ امزح غناتي بس من جد متى يخلص هالاسبوع ماصارت اسئله

المشاركة الأصلية كتبت بواسطة روح مهدوية عزيزي عضو \ زائر يجب عليك الرد لرؤية الرابط

كونك انثى ايهما اهم بالنسبة لش النجاح المهني ام النجاح العاطفي قصدي الاستقرار وان في يوم من الايام خيرتي بين هذين الاثنين ايش بتختارين ؟
.

يهمني الاثنين الاستقرار شي مهم في الحياة لو كان هناك اضظرابات عاطفه اكيد راح تاثر على كل النواحي في حياتي بس انا عندي صفه انه لو كان عندي اضظرابات عاطفه دايما اخلي همي هم نجاحي المهني ودايما احاول اني ما اخلي شي ياثر على حياتي المهنيه واحاول انسى والا اتجاهل بمعنى اصح
لو خيرت بين هالاثنين راح اختار حياتي المهنيه.